شعر يدخل القلوب للشاعر احمد الهمامى

شعر يدخل القلوب للشاعر المصرى احمد الهمامى

أحـــــــب أعيـــش ولو أعيـش محــــروم
أو جـــــــوه أوضه أو ويا ديــــب بيــزوم
تعمــل ما تعمل الدنيا فيـه هـــبقى راضي
إنـــــــما لو سيـــبتها يبقى يا كتر الهموم
وآه
* * *

صــــــــحفي وكــان ماسك بإيديه أقــوى ســـــلاح
وكان نشــــــــانجي وبيعرف يوجه القاضيه بنجاح
من غـــــــــــــــير ولا تجــــــــــريح ولا كــلام أبيح
اقروا الفاتحه لمجدي مهنا وادعوا يكون مرتــاح
وآه
* * *
أمــــانه عليك توصفه يا اللي انــت شفت الموت
وتقولي إيش ده يكون ووشوشني من غير صوت
أصــــل كل الناس هنا بتخاف قوي من دا الكـلام
مع إنــــــــه مكتوب ع الجميع ولـه معاد مظبوط
وآه
* * *
مع إن كـــــــــل الناس في الأصل مرغمين
وليهم حدود وكله بيبتدي وبينتهي في الطين
لكني لمـــــــا اتأملتهم ســـاعه لقيت العجب
الناس جــميعا بحالهم وبعشيتهم مبســوطين
وآه
حد يشـــغلني صحفي ويديني يا ناس عـمود
ويسيبني أكتب براحتي وما يحطليش حـدود
ولا عــــــايز منه أجر ولا عــايز حتى شـكر
أنا كـــــل اللي عايزه فـــرصه وقدها وقدود
وآه


أوصـــــف ما توصــف مين يجـــــيـب
أو يرجـــــــع ليا من تــــاني الحـــبيب
وصف الأمل مش صعب ومـا أسهـله
لكن اللي صعب بجد الفراق يا طبــيب
وآه


خجــلان ومكسوف من نَفـسي
ولا حــــــتى قــادر آخـد نَفَسي
ماتبــــــــصـــوليش الله يخليكم
وسيـــبوني حـبه أمسك نَفسي
وآه


أه لـــــو أكــون حر نفسي
وأقـدر أعمل ما في نفسي
أنـــا كــــنت أول حــد أقول
يـــالا نفــــــسي يالا نفسي
وآه

ســـــواح وعايش في وسـط السـواحين
في بلاد غريبه وكئيبه وناسها مخنوقين
ولا عـمري حسيت بالراحه ولا بالأمـان
ولا مــــره نمت وحلــمت غير بالمــيتين
وآه

رقـــــاصه ورقصها على كل شكل ولـــون
شرقي وغــربي وكل نوع وله دايما زبون
الــــــــــــلي يحب الهز بينـــــــقط بالفلوس
واللـــي يحبه الهز يبقى السعيد في الكون
وآه

أوقــــات كتيره بـحس بالإحــــباط
وأبص الاقي سكتي كلها مـطبـات
أعــــــدي نقره أقـــــع في دحـديره
ولو قلت آه بينطلب مني الســكات
وآه

طـــــال انتظاري للأمــــل والأمـل كـداب
وكأنه متحرم عليا أو بيني وبينه حجاب
مشيـت طريق في بدايته ونهـايته شـوك
وآخــر المـنابه مارجعتش غير بالعـذاب
وآه


زي الحمـــــــــــــــار ده ولا مخـــلوق لقـيـت
مع إني طفت وشفت وعلى كل أرض مشـيت
لكنه جـــــــــــــد يتقـــــال عليه مافيش أخـوه
وآخـــــره هينـــــــــهق وبس زي ما اتمنـيت
وآه