intelligent

ملك .. سأل الشعب سؤال وقال اللي يجاوب عليه صح !!

راح اعطيه فلووس مرة كثيير وكل شي يبغاه

والسؤال

ايش اكثر شي وايش اكبر شي ؟؟

راح الخادم .. على بيته وقاعد يفكر جاته بنته
..
وقالت : ايش فيك ؟؟

اليوم سأل الشعب سوال وقال اللي يجاوب عليه راح يعطيه فلوس

وكل اللي يبغاه وانا مو عارف الإجابة

البنت : ايش هو السؤال ؟؟

الخادم : ايش اكثر شي وايش اكبر شي ؟؟

البنت : روح عند الملك وقل له اكبر شي ارضك واكثر شي مالك

راح الخادم عند الملك وقال له : ياملك انا لقيت اجابة لسؤالك

قال الملك : تفضل

الخادم : اكثر شي مالك و أكبر شي أرضك

الملك : مين قال لك الإجابة ؟؟

الخادم : بنتي

الملك : طيب روح قلها لابسة ومهي لابسة .. ماشية ومهي ماشية .. هدية ولا مو

هدية ؟؟

الخادم راح عند بنته وقال لها .. :
الملك يقولك لابسة وما هي لابسه .. ماشية ومهي ماشية .. هدية ولا مو هدية ؟؟

قالت البنت طيب روح جيب لي شبكة .. وغنمة .. ولحمة

استغرب الأب الخادم من الطلبات بس راح وجابها

لبست البنت الشبكة وركبت الغنمة .. ومسكة اللحمة وراحت ودخلت عند الملك ..

وقالت : ياملك .. انا لابسة شبكة ومو لابسة وماشية بس مو على رجولي على غنمة

وهذي لحمة انت تعتبرها هدية ولا مو هدية


الملك .. اعجب بذكاء البنت وقال لها تتزوجيني؟؟


اتزوجت بنت الخادم الملك .. وعاشو في سبات ونبات .. وخلفوا صبيان وبنات


المهم

بعد سنين ..

كان في خادم من الخدم اعطاه الملك حصان هدية

وفي يوم نام الخادم ونسي انه يأكل الحصان قام هاج الحصان

فجاه الملك وطرد الخادم وقاله هات الحصان ورووح ..

راح الخادم وهو زعلااان المهم شافته الملكة .. وقالتله ايش فيك ..

قال لها: الملك طردني واخذ مني الحصان

قامت قالت له : خذ سنارة واقعد اصطاد بالحديقة على العشب


ولو جاك الملك وقال لك ايش تسوي قله اذا انت مارزقتني

يمكن ربي يرزقني سوا الخادم زي ماقالتله الملكة

جاه الملك .. وقال له ايش قاعد تسوي ؟؟

الخادم : اذا انت مارزقتني يمكن ربي يرزقني

قام الملك قال له : مين قلك تقول كذا

الخادم : الملكة

عصب الملك .. وطفش من ذكاء البنت ..

وراح لها .. وقال لها : شوفي يابنت الناس ..

لمي اغراضك ورحي على بيت اهلك بس قبل ماتروحي .. سويلي شاي
..
وخذي اغلى شي عندك

المهم .. قامت البنت سوت له شاي وحطت له فيه منوم

المهم صحي الملك .. ولقى نفسه في بيت الخادم **ابوالبنت **

قام قال : ايش اللي جابني هنا !!

البنت : مو أنت قلت لي روحي بيت اهلك وخذي أغلى شي عندك !!

وأنت أغلى شي عندي